প্ৰেমানিবেদন

== প্ৰেমানিবেদন ==


আজি বহু দিনৰ অন্তত
বুকুত একাজলি সাহসলৈ ওলালো,
থিৰাঙ কৰিছো...
আজি নোকোৱাকৈ নেৰো ।
.
ভয়ে আৱৰিছে দেখোন,
তুমি বা কি কোৱা !
বুজিবানে মোৰ ব্যথা ?
নে ভাৱিবা মিছলীয়া !
.
দেখিলো তোমাক স্কুলীয়া সাঁজত
বাঃ ... কি মজা !
বগাকৈ মেখেলা চাদৰত
নীলা নীলা পাৰি,
ডাঠকৈ সেউজীয়া চোলাটিৰে
আছিলা তুমি ।
.
জোনটিৰ দৰে জিলিকি আছিল
তোমাৰ দেহাটি,
গুলপীয়াকৈ দুটি ওঠত দেখিছিলো
কি যে কোমল কোমল হাঁহি ।
.
সৰগৰ মেনকাক কিয় লাগিছে,
মৰতৰ ৰাণী তুমি,
হ'বই লাগিব তুমিয়ে মোৰ
সপোনৰ ৰাজকুমাৰী ।
.
তোমাক দেখি জাগি উঠিল
বুকুত প্ৰেমৰ জোৱাৰ,
ওচৰ চাপিলো
বুকুত অশেষ সাহস গোটাই
কি কৰো, কেনেকৈ কঁও ?
অভ্যাসে নাই যে
প্ৰেমত পৰাৰ ।
.
থৌকি বাথৌ মনৰ ভাৱনা
বুকুত প্ৰেমৰ জ্বালামুখীৰ
অধৰ্য্য অৱস্থা,
চকুলোত বান আহিব,
জীৱন অৰ্থহীন হ'ব,
তুমি যদি আনৰ হোৱা
হৃদয়ে মোৰ কান্দি ৰ'ব ।
.
আজি তোমাক কাষতে দেখিছো
হেৰুৱাব নোখোজো,
আজি ক'ম ক'ম ক'মেই
নকৰো পলম
ভয় লাগে
যদি তুমি আনৰ হোৱা !
.
পিছে কাষতে পাই আজি
কিনো হ'ল নাজানো,
দেহাটি কপিব ধৰিছে !
সাহসবোৰ কি হ'ল ?
ম'মৰ দৰে গলি গ'ল,
.
আহিল ধোমোহা
বিনা নিমন্ত্ৰণে,
মেঘো গাজি উঠিল
বিজুলি অবিহনে ।
.
কি অনুভৱ কৰিছো
নিজে নাজানো !
কেনেকৈ কঁও?
যেন মই ভাষাই পাহৰিছো ।
.
দেহত যেন,
পৃথিৱীৰ সকলো বেমাৰ ।
মনত চিন্তাৰ জোৱাৰ,
আহঃ মৰিমেই নেকি ?
.
কপালেৰে দেখোন ঘাম ব'ব ধৰিছে
ক'ত কি ডাঙৰ কাম কৰিলো ?
হৃদয়ত যেন ৰে'ল চলিছে
কি হৈছে একো নুবুজিলো ।
.
তোমাক কাষলে মাতি
ভূলেই কৰিলো নেকি ?
আজি চাগে নোৱাৰিম ক'ব
সপোনবোৰ এনেকৈয়ে ৰ'ব ।
.
জ্বৰে-বিষে উঠিছে গা,
নাই দেই মোৰ ইমান সাঁহ ।
বুজিলে বুজিবা মনৰে কথাটি
নোকোৱাৰ আগত,
নুবুজিলেও নাই
আজিয়ে মৰিম গৈ পৰি
বাৰীৰ পিছৰ খালত ।
.
বুকুত প্ৰেমৰ জুইয়ে
পাৰ ভাঙিব ধৰিছে,
নক'ম !
মনে নামানিব,
ক'ম !
সাহসে নিমিলিব ।
.
তথাপিও কৈছো শুনা,
মোৰ জীৱনৰ সমূহ প্ৰয়োজনৰ
তুমিও অন্যতম,
সকলোবোৰ নাই,
সকলোবোৰ পোৱাও নাই
তথাপিও নাটনি নাথাকিব
যদি তুমি মোৰ হোৱা ।
.
কবিতাৰ সুধাৰে বুজাব নোৱাৰো,
গীতৰ সুৰেৰেও ক'ব নোৱাৰো,
আজি মোৰেই ভাষাৰে কওঁ শুনা,
হইতো ভালপাঁও চাগে তোমাক
সেয়ে আজি উধাতু খাই আহিছো
ভয়ে ভয়ে মনৰ কথাটি কৈছো
.
তোমাৰ সুখত সুখি হ'ম,
দুখত দুখি হ'ম !
তাৰেই প্ৰতিশ্ৰুতিৰে
এয়া মোৰ প্ৰেমানিবেদন
তোমালৈ !
এপাহি গুলাপেৰে । .....
...... by Pranjal Deka (pranjaldeka299@gmail.com)
(March 23th, 2016)